Audi me, cara iuventus
(a Nicolao Szymanski)

 

 Audi me, cara iuventus,
auscultet me quisque attentus,
dum vos conduco in forum,
ut primos noscatis virorum.

Marcus Porcius Cato
"Euge! — inquit — Sic fac! — suo nato,
quem conspexit pro fornicis porta
Non matronas corrumpe, sed scorta!"

Audi me…

Marcus Tullius Cicero
"Libenter — inquit — dissero
de Stoicorum virtute
in amplexu prostitutae".

Audi me…

Quintus Horatius Flaccus
tantum scrotum gerebat ut saccus,
et virgines deflorans centum
exegit sibi monumentum.

Audi me…

Publius Vergilius Maro
futuebat tam bene nec raro,
ut mulieres inter et deas
multo clarior sit quam Aeneas.

Audi me…

Publius Ovidius Naso
"Nullus — inquit — vir podice raso
tam me urget amoris ad bella
quam fellandi perita puella!"